الدرس الخامس من دورة دروس الطبخ

السلام عليكم ورحمة الله وبركاته
ان شاء الله تكونوا في احسن الاحوال
اليوم نقدم لكم طبق لذيذ وخفيف وهو عبارة عن اقراص الدجاج او اللحم مع الارز بكريمة الفرماج

نبداعلى بركة الله
ارحي قطعتين دجاج صدر واذا عندك لحم مفروم يكون الذ انت ومقدورك تبليه مليح بالملح والفلفل الاسود والثوم والكمون شكلي اقراص واتركي كمية قليلة للارز



حطي الاقراص في الثلاجة
وفي مقلاة ضعي شوية الدجاج المرحي + ملعقة كبيرة بصل مفروم + ثوم ملح توابل شوية هريسة او فلفل حارمقطع رقيق حسب الرغبة وقلي علىنار هادئة حتى ينضج





اضيفي ارز طايب ومفور يكون اكثر من الدجاج بقليل باه يجي بنين + شوية مرغرين وقلي برهة على النار مع ضبط الملح



اشوي اقراص الدجاج فوق شواية او مقلاة تيفال



حضري كريمة الفرماج
اخفقي بيضة جيدا ثم اضيفي ملعقتين كبيرتين نشاء وكاس حليب وشوية ملح وخلطي بارد في بارد ثم ضعي الخليط على النار واضيفي كاس اخر حليب وحركي حتى يخثار



انزعيه واضيفي الفرماج كيما تحبي واخفقي بالباتور جيداا حتى تصبح ناااعمة



اطلي الاقراص بكريمة الفرماج وضعيهم فوق بعضهم او كل واحدة وحدها وحطي من فوق شوية كريمة + حبة زيتون




ضعي الكريمة في كيس مثقوب وزيني



قدميها مع الارز هكذا وزيني الارز ايضا بالكريمة



انا قدمتها مع شوية كبدة نتاع الدجاج





او حطي الارز في الوسط والاقراص دايرين بيه وفرق كل قرص الكريمة وحبة زيتون
اتنظر تطبيقاتكن
وسلامي الحااار لكن جميعااااا