الدرس السابع من دورة دروس الطبخ

السلاااام على الاحبااااااب
بما انه احنا في فصل الصيف ونحبوا الاكلات الخفيفة والعجائن المحشوة
اليوم نقدم لكم خبزات محشية باللحم والكريمة
اترككم مع المقادير والطريقة


نحضر عجينة الدرس الاول بنفس المقادير والطريقة نخمرها ثلاث مرات بعد ما نفشها في المرة الاخيرة نحللها على الطاولة ونتركها ترتاح قليلا ثم نقطع وردات كبيرة ...اذا قطعتيها مباشرة راح تتكمش الوردات وما يجيش شكلها مليح ..

رابط الدرس الاول ..العجينة ..
http://www.djelfa.info/vb/showthread.php?t=962415



نلم بقايا العجين والحواشي نعجنوهم قليلا ونقسم العجينة على 12 كرية
ندهن قالب المادلان بمرغرين طرية ونرش فرينة وننفض الزائد من الفرينة ونفرش العجينة هكذا مع تقبها بالشوكة ..حاولي ترققيها ..



نحضر كريمة الفرماج بخفق بيضة بالباتور ثم نضيف كاس حليب وملعقتين كبيرتين نشاء وملح ونخلط ثم نضع الخليط على النار ونضيف كاس اخر حليب مع التحريك المتواصل حتى تعقد
نبعدها عن النار ونضيف الفرماج حسب الرغبة 3 او 4 حبات ونخفق بالباتور حتى تصبح ناعمة



نضعها في كيس التزيين ونحط في كل قطعة من العجين شوية من الكريمة



ثم نضع الحشو اللي هو لحم مفروم طايب او دجاج او طون او مرقاز حسب الموجود عندك في البيت



انا اضفت شوية كاشير وفلفل حار



ثم الكريمة ونحاول نغطي الحشو جيدا باه ما ينشفش في الفرن



ثم نضع الوردات ونثقبهم



ثم حبات زيتون وندهنهم بخليط من صفار بيضة + سكر + حليب سائل



خليهم يخمروا مليح واطهيهم وحمريهم من فوق

وهاهي جاهزة وشهية طيبة









ملاحظة
كريمة الفرماج تحضر قبل ما تختمر العجينة الخمرة الثالثة يعني بعد ما تخمر الخمرة الثانية حضريها

انتظر تطبيقاتكن
ولا تنسوني من صالح دعواتكن
سلاااامي