بطاطا في الفرن بطريقة جديدة

من طرف RimA الأحد نوفمبر 11, 2012 11:03 am

بطاطا في الفرن على بساطة مكوناتها لكنها جد لذيذة وبنينة
ومع طريقة تقديم مميزة اكيد تكون مناسبة تماما لضيوفك
وفيمايلي مكونات الطبق مع طريقة التحضير:

صدر دجاح مرحي +ملح +فلفل اكحل+كسبر+معدنوس+سنة ثوم+بيضة+خبز مرحي(او فرينة)

حبات بطاطا بحجم واحد مقطعة دوائر+طماطم دوائر+فلفل حار دوائر(يمكن تعويضه بالحلو)

في مول مستطيل نضع على التوالي دائرة من الطماطم ثم البطاطا ثم كمية من اللحم ومرة على مرة ندخل الفلفل الحار كما في الصور:

نوجدو صلصة عبارة عن :طماطم مرحية+قليل من الطماطم حب+2سنة ثوم+ملح+فلفل اكحل+كمون

نصبو على المكونات اعلاه كمية من الماء المغلي +5ملاعق زيت ومن جهة اخرى نحلو ملعقة صغيرة معمرة نشاء في فنجان ماء بارد ونضيفوها للمزيج ونخلطو الكل ويضاف الى البطاطا

نغطيو المول بورق الالمنيوم ونديرو فتحة صغيرة على شكل علامة +والى الفرن مباشرة وقبل مانخرجو الطبق بقليل ننزع الورق باش البطاطا تاخذ لون

راهي تفور وريحتها امممممممممممممممم ولا اروع

بالنهاية يمكنكن تقديم الطبق (بعد ما يبرد شوية)بهذا الشكل:

تحياتي القلبية الخالصة في امان الله