واش طيبتي اليوم

السلام عليكم و رحمة الله و بركاته
اكيد كل وحدة منكم من لي تنوض الصباح و هي تقول واش ندير
للفطور وواش ندير للعشا (هاذ السؤال دايما يدور في راسي)
على بيها بغيت نطرح عليكم هاذ الموضوع باش نساعد بعضنا بعض
كل مرة وحدة فينا تحط واش طيبت و هاكذا تصبح عندنا موسوعة
من واقعنا نلجؤولها مين تبحر لينا في الكوزينة
و انا نبدا معاكم بواش طيبت الاسبوع اللي فات
طيبت للغدا شوربة حمرا وهاديك فريت مع الكفتة
والتحلية نتاع ام امين
http://www.djelfa.info/vb/showthread.php?t=726437


و في لعشية درتليهم قلب اللوز مع لتاي

http://www.djelfa.info/vb/showthread.php?t=880939
و في الليل درت مقرون غلااتان موالف ندبرها بالبيشمال
هاذ المرة درتها بصلصة الفرماج نتاع الغالية ميميشة
http://www.djelfa.info/vb/showthread...=536757&page=5
و جات بنينة بزاف ومعاها بطاطا كروكات و التحلية
بالفرماج نتاع حبيبتي ام خديجة
http://www.djelfa.info/vb/showthread.php?t=779589




و نهار الجمعة طبعا لغدا طعام و معاه الفول لمفور






و السبت لغدا حريرة بدشيشة الزرع و مرقة بالزيتون و الدجاج و سلاطة الروز
و البطراف و البيص انصاف و معمر بخليط الصفار مع الطون و المايوناز








و لعشية القهوة مع البغرير