خبز الدار سهل صحي و لذيذ من مطبخي

بسم الله الرحمن الرحيم
السلام عليكم و رحمة الله




هذا الخبز عملو جيمي اوليفر في قناة فتافيت و من ذاك و انا دائما نعملو روووووووووووعة البنة و الصحة تاع الحديد الذي يحتويه اكليل الجبل
الوصفة حسب ما اتذكر فيها فرينة، ماء، ملح ، خميرة اما باقي التفاصيل فهي من اجتهادي
هذه المرة جاني مفشش حسب الوصفة الأصلية، موالفة نديرو رقيق يقرمش
الوصفة: 500 غ فرينة، 1 م ك خميرة خبز، 2 م ك زيت، ملح ، ماء دافئ.
للتزين: 1 راس ثوم مهروس ، 1 فنجان زيت الزيتون، كمشة اكليل الجبل اخضر او مجفف.

تعجن الكل و العجينة تجي طرية و مرخوفة تتلاصق في اليد مثل خبز الدار خليها تخمر حتى يضاعف حجمها
فشيها مرتين او 3 مرات
ضعيها في بلاطو كبير(40 في 40) حليها باليد ثم ضعي مكونات التزبين مخلوطة من فوق و ثقبي العجين باليد حتى يدخل الخليط مليح في العجين
خليها تخمر مليح من الأحسن 1 ساعة
تطبخ عادي في فرن ساخن



تفضلو ذوقو بالصحة و الشفاء


دعواتكم بالفرج على كافة الأمة الإسلامية و خاصة سوريا و فلسطين