الرشتة من مطبخي********

من طرف RimA الجمعة نوفمبر 09, 2012 11:02 pm

صباح الأنوار
اليوم جبتلكم كيفية تحضير الرشتة هي معروفة فالشرق بزاف
وتعلمناها هي و التليتلي كيما قالت أختي حلمي الأمومة
ورانا ندروهاوبنينة بزاف بزاف كل جمعة نديرومرة
رشتة مرة كسكس وهي ساهلة كيفها كيف الكسكس
نبداو *
لازملنا كيلو رشتة
لحم أو جاج
لحمص ملح عود قرفة طماطم فلفل أسود زيت وزبدة
نحط الحم فالقدر نغليه بالزيت نضيف المكونات الأخرى
نمرق وندهن الرشتة بالزبدة ونحطها فالكسكاس تفور
كي تفور نرشها بالما ونرجعها للكسكاس ونعاودها
مرتين بحال الكسكس وفالأخير نخلي المرق يثقل ونصفي
الحم والحمص ونفرغ المرق فوق الرشتة ونخليها تتشرب
ونفرغها فصحن تقديم ونزينها أنا نحب الخضرة زدتها
وراها تجي بنينة بزاف وهاهي واجدة مرحبى