لمن طلب ... تشيشة مرمز بسكرية من مطبخنا بالخطوات المصورة

بسم الله الرحمن الرحيم
السلام عليكم و رحمة الله

تشيشة مرمز بسكرية أكلة معروفة عندنا صحية و شهية و لذيييييييييييييييذة جدا
تقدم مع الفلفل المرقد و الزيتون
كنت قد وضعت الطبخة من قبل في كوزينة رمضان اليومية المشاركة 145 و طلبتي في الوصفة الاخت بلبلة (بلقيس) و الأخت FAWDA L7AWASSE الا انني وضعت المقادير و الطريقة كانت مختصرة
و اليوم قررت امي ان تطبخ التشيشة تفكرت ديني لأختي بلقيس و فودى
و الوصفة بالتفصيل كانت دين في رقبتي و الآن الحمد لله سلكت ديني لبلقيس
امي طبخت و انا صورت
الوصفة تكفي ل 10 أشخاص
المقادير: 2 لتر ماء، تشيشة مرمز (ماشي تاع الفريك) ، طماطم حب، راس ثوم، خردل (لفت)، كسبرة مرحية، كسبرة خضراء، فلفل حار و حلو، ملح ، ليمون.
يغلى الماء و التشيشة (بعدما تغسل جيدا في الماء) و الخردل ( 15-20 د) على نار متوسطة حتى تخثر
تضاف الملح و الطماطم مرحية و 3 فلافل مهروسة + ثوم مهروسين وباقي الفلفل و الكسبرة مرحية و تغلى حتى تخثر و ذوقي في البنة اذا ناقصة ملح أو طماطم
و في الأخير قبل التقديم ضيفي الكسبرة الخضراء و الليمون
العجينة: دقيق، ملح، ماء تدلك جيدا و تطبخ رقاقة ( نسموه الرقاق)

الصور توضح















تفضلو ذوقو تاكلو بالصحة


اي استفسار راني هنا
تذكروني في الدعاء