نكـــت مغربيــ؛ـــة ... روووعة ~~

من طرف زهرة القدس الإثنين نوفمبر 14, 2011 3:52 pm

قال ليك هادا أستاد و أستادة ديال الماتيماتيك (الرياضيات) تزوجو او ولدو ولد خرج ليهم شمكار سماوه شبه منحرف
هادو زوج حمير كانو غادين تايتمشاو دازو من حدا الفروسية بانو ليهم العودان تايتسابقو هو يقول واحد لصاحبو شتي كون قرينا ههههههههه
واحد سميتو مبارك شرى حولي دخل للدرب طلاة عليه جارتو قالت ليه مبارك الحولي قال ليها خدوج النعجة
فواحد السبيطار ديال الحماق قالو ليهم عظو ودنيكم شي تاينطر فيها شي تايجبد فيها او واحد لقاوه ساكت تايشوف قالو هادا دار عقلو جاو لعندو قالو ليه مالك قال ليهم سكتو راني تنتلبد ليها
هادي واحد الحفرة كل مرة تايطيح فيها واحد، واحد النهار اجتامعو الناس باش يلقاو شي حل (كولهم مكلخين) ناض الاول قالهم نديرو شي فرملي فالحفرة باش ليطاح يتعالج تماك جا لاخر قاليهم لا نجيبو لامبيلونس تبقا حدا الحفرة باش لي طاح يمشي نيشان لصبيطار ناض الثالث قاليهم لا نريبو داك الصبيطار او نبنيو واحد آخر حدا الحفرة ناض واحد آخر قال ليهم لا نسدو ديك الحفرة او نحفرو وحدا أخرى قدام السبيطار

نهار الامتحان طلبو من التلاميذ يكتبو نص ديال 10 صفحات،ناض واحد الكسول كتب فالصفحة الأولى :ركب الفارس الجواد..........و كتب فالصفحة الأخيرة :نزل الفارس عن الجواد...........و فالوسط كتب:...دركن...دركن........دركن...........
هذا واحد خونا ديما سكران ... وواحد النهار لعب عليه الشراب مزيان... مللي تم غادي بحالو وصل قدام واحد البوطو ديال الضو وبدا تيدق فيه وتيصرخ" فتحو الباب مالكم ماتتسمعونيش والا؟" شي شويا وهو تيمر قدامو واحد سكران كتار منو وسولو؟ أشنو كتدير، قال ليه: باغي ندخل ننعاس ومبغاش يحلو ليا الباب كلشي ناعس
شاف السكايري الثاني للفوق... شاف الضو ديال الإنارة وهو يقول ليه: غير تسنى راه شي حد فاق ها هو غادي يهبط يحل ليك.